صينية الباذنجان بالدجاج والكريمه

السلام عليكم خواااتي

من فتره مانزلت لكم جديدي بالطبخ
اليوم بانزل لكم صينية الباذنجان بالدجاج والكريمه

صينية حلووه للعشى والبوفيه او عزومه عندج
طعمها حلو والشكل راائع











المقاديــــــــــــــر ::

باذنجان مقطع بشكل طولي ومقلي


الحشــــــــــوه ::
دجاج مسلوق ومقطع
بصل مفروم
ثوم مدقوق
زنجبيل مفروم
جزر شرايح
فلفل احمر واخضر مقطع صغار
مشروم قطع صغيره
بقدونس
بهار مشكل
ملح
فلفل اسود
كزبره ناعمه



الصوص الابيض :::

2 حبه بيض
1 كوب كريمه (( ممكن حليب لو ماانوجدت الكريمه )) بس الافضل كريمه
1 كاس صغير جبن سائل
ملح
فلفل اسود
موزاريلا ميشور
بقسماط



الطريقه :::

الحشوووه ::

- نسخن الزيت نقلي الزنجبيل والثوم والبصل وبعدها نضيف الجزر وبعدها نضيف الفلفل الاحمر والاخضر وبعدين نضيف المشرووم واخيييرا نضيف الدجاج المسلوق مع الملح والبهار المشكل والفلفل الاسود والكزبره الناعمه


الصــــــــــــوص ::

- بالخلاط ::
نحط 2 بيض والكريمه والجبن السائل وشويه فلفل اسود والملح ونخلطهم مع بعض

نجيب بايركس
نصف شرائح من الباذنجان وبكل شريحه انحط شويه من الحشوه وفوق الحشوه نحط شويه موزاريلا وقيل من البقدونس وبعدهااا نحط شريحه ثانيه من الباذنجان ونشرب الباذنجان بشويه من الصوص وبعدها نرش على كل طبقه من الباذنجان جبن الموزاريلا وشويه بقسماط

- نعمل هالخطوات بكل شرائح الباذنجان

واخيييرا نصب الصوص بالبايركس مابين قطع الباذنجان

وندخله الفرن لين مايتحمر وبالعافيه على قلوووبكم

ممكن تاكلونه خالي او مع خبز او مع عيش زعفرااني